DSE 日語課程
點解要提早準備？
日語並唔係一科可以喺中五先開始、幾個月就完成嘅科目。由零基礎去到 JLPT N3，需要逐步建立文法、詞彙、閱讀及聽解能力；如果希望再挑戰 N2，更需要額外時間累積。
唔同年級，可以有唔同學習路線
越早開始，越有時間循序漸進；較遲開始，就需要更集中地設定目標。
中一開始
有最充裕時間建立完整基礎。完成 N3 後仍有時間繼續提升，可將 N2 作為長線目標。
中二開始
仍有足夠時間循序漸進完成 N5、N4 及 N3，並視乎學習進度進一步挑戰更高程度。
中三開始
時間較緊湊，一般會以 DSE 前達到 N3 程度為主要目標，學習進度需要更穩定。
中四、中五先開始？
仍然可以學日語，但一般唔建議照搬以上完整三年路線。我們會按學生已有程度、目標及剩餘時間，安排較集中嘅 JLPT / DSE 準備方案。相關短期及密集課程將陸續推出。
完整學習路線
由零基礎開始，逐步建立日語能力，而唔係只背考試技巧。
五十音・JLPT N5
由平假名及片假名開始，建立基本文法、詞彙、閱讀及聽解能力。
JLPT N4
擴充基本句型及語彙，開始處理較長句子及更完整嘅日語內容。
JLPT N3・HKDSE Category C
進一步加強文法、閱讀、詞彙及聽解，以 JLPT N3 或以上程度作為 HKDSE Category C 日語成績。
或以上
進一步挑戰 JLPT N2
N3 到 N2 需要更長時間累積文法、詞彙、閱讀及聽解能力，因此較早開始嘅學生會有更大優勢。
JLPT 同 DSE 有咩關係？
HKDSE Category C 日語採用指定官方日語能力考試成績，而不同大學可以採用不同入學計分方式。
HKDSE Category C 日語
日語科採用 Japanese-Language Proficiency Test（JLPT）。
JLPT N3 或以上 可按相關 HKDSE 規定列入 Category C 日語成績。N3 係最低接受程度，但大學入學計分並唔一定只睇「合格與否」，部分大學會按 N3、N2、N1 給予不同分數。
* 上面較大嘅 3、4、5、5*、5** 係為方便家長及學生理解而使用嘅 DSE 成績對照表達；真正大學入學計分仍以上面標示嘅 JUPAS 分數為準。以上按各大學 2026 年公布資料整理，不同大學、個別課程及年度可能採用不同計分方式。中大個別課程亦可能採用另一計分方法，實際應以相關大學及課程最新公布為準。
最新班別及上課安排
查看最新 DSE 日語班別
DSE 日語課程設有不同程度班別，由零基礎開始逐步銜接 JLPT N5、N4、N3 及更高程度。除新開班外，部分現有班別亦可按學生程度插班。最新開課日期、上課時間及招生情況，請查看最新課程資訊。
多年兒童及青少年日語教學經驗
天空樹日本語教室自 2011 年起，長期教授兒童及青少年日語及 JLPT 課程。
常見問題
完全未學過日文可以參加嗎？
可以。零基礎班由平假名及片假名開始，學生毋須有任何日語基礎。
中三先開始會唔會太遲？
中三仍可參加完整學習路線，但時間會比中一、中二緊湊，一般應以 DSE 前達到 N3 程度為主要目標。
中四、中五先開始仲可以讀嗎？
可以，但一般唔建議照搬由 N5 開始嘅完整三年路線。我們會按學生已有程度、目標及剩餘時間，安排較集中嘅學習方案。短期及密集課程亦正在籌備。
已有日語基礎，可以插班嗎？
部分現有班別可以按學生程度安排插班。實際可選班別會視乎學生已學內容、程度及當時招生情況而定，可先查看最新班別或 WhatsApp 查詢。
點解中一、中二開始會較好？
因為語言學習需要時間累積。較早開始除咗有較充裕時間準備 N3，完成 N3 後亦有更多時間進一步挑戰 N2。
N3 是否等於所有大學都有 4 分？
不是。不同大學及課程有各自嘅 Category C 計分方法。例如 2026 年港大將 JLPT N3 計作 4 分，而理大及科大則計作 3 分，因此應以學生目標院校最新公布嘅計分方法為準。
唔同年級，都可以先搵到適合自己嘅路線。
無論係中一零基礎開始，定係中四、中五先決定將日語作為 DSE Category C 科目，都可以先向我們查詢現時程度及可行學習方向。